ПАРТИЯ ҚЫЗМЕТКЕРЛЕРІ БІЛІМІН ЖЕТІЛДІРДІ
«Нұр Отан» партиясы облыстық филиалының ұйымдастыруымен «Партиялық жаңғыру аясында аумақтық филиалдардың жұмысын жетілдіру мәслелері» тақырыбында аймақтық семинар өтті.
Оған аумақтық партия филиалдарының консультанттары қатысып, «Жаңа жобаларды іске асыру – партиялық жаңғырудың негізі», «Жаңа медиа құралдарындағы жұмыс технологиялары», «Партиялық жаңғыру аясында партиялық бақылау қызметін жетілдіру мәселелері», «Барлық деңгейдегі мәслихаттардағы «Нұр Отан» партиясы фракциясының және оның мүшелерінің қызметін бағалау», «Қоғамдық қабылдау: партия жұмысының басым бағыты» атты тақырыптарда жан-жақты білімдерін жетілдірді.
Сондай-ақ, семинарға арнайы шақырылған Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалының білім беру бағдарламаларын іске асыру және ілгерлету кабинетінің доценті Алмагүл Аяғанованың «Жеке тұлғаның өзін-өзі дамытуы» атты тренингіне қатысты.
