Сыр Медиа

    Сырдария аудандық білім бөлімінің ұйымдастыруымен №139 орта мектеп базасында 2017 жылдың 10 қараша күні Н.Ә.Назарбаевтың «Болашаққа бағдар: Рухани жаңғыру» мақаласынан туындайтын "Туған жер" бағдарламасын іске асыру барысында " Рухани жаңғыру: Туған жердің тарихы мен тағылымы" тақырыбында аудандық семинар болып өтті.

    Семинарда "Ақыл ойдың шұғыласы - білім" ашық сабақтар шеруі мен "Бала тәрбиесі басты байлығың" тақырыбында сыныптан тыс жұмыс өткізілді. Сонымен қатар, "Өмірі өнерімен өрілген" атты кеште оқушылар Айдарлы ауылдық халық театрының режисері Рахия Әбдікәрімовамен жүздесті.

    Кеш аясында "Өткеніңді білу - бүгініңді бағамдау" атты мұражайдың ашылу салтанаты ұйымдастырылды.