Сыр Медиа

Бүгін Сырдария ауданында Жаңа жыл мерекесіне арналған салтанатты жиын өтті, деп хабарлайды Kyzylorda-news.kz аудан әкімінің баспасөз қызметіне сілтеме жасап.

Мерекелік іс-шараға аудан әкімі Ғанибек Қазантаев қатысып, аудан тұрғындары мен қонақтарын келе жатқан Жаңа жыл мерекесімен құттықтап, ауданның 2018 жылғы әлеуметтік-экономикалық қорытындылары жөнінде баяндама жасады.

«2018 жыл мерейтойларға толы жемісті, берекелі жыл болды. Астана қаласының 20 жылдық, Қызылорда қаласының 200 жылдық және ауданымыздың 90 жылдық мерейтойын кең көлемде атап өттік. Есепті кезеңге аудандағы құрылыс жұмыстарының көлемі 5,2 млрд. теңгені құрап, 16,4 мың шаршы метрден астам тұрғын үй пайдалануға берілді. Ауыл шаруашылығы саласы бойынша өндірілген өнім 11 айдың қорытындысы бойынша 11 миллиард 780 миллион теңгені құрап, 103,8 пайызға өсті. Аудан бойынша 20 874 гектар күріш дақылынан 53,0 центнерден өнім алынып, барлығы 111 158 тонна астық жиналды. Өткен жылдың осы кезеңімен салыстырғанда жұмыс жасап тұрған кәсіпкерлік субъектілерінің саны 18,2 пайызға артты. Жұмыс жасап тұрған кәсіпкерлік субъектілерінің тіркелгендерге үлесі 85,2 пайызды құрап, жыл басымен салыстырғанда 18,6 пайызға өсті. Үстіміздегі жылдың 11 айында 491 шағын кәсіпкерлік субъектілері тіркеліп, өткен жылмен салыстырғанда 2 есеге артты. Инновациялық мектеп лицейлердің желісін көбейту мақсатында №129 Ә.Жәмішев атындағы орта мектебіне мектеп-лицей статусы берілді», – деді аудан басшысы.

Сонымен қатар әкім келесі жылы ауданда шағын және орта кәсіпкерлікті дамыту мен «Жастар жылы» аясында өнерлі жастарды қолдау бағытында кешенді жұмыстар жүргізілетінін атап өтті.

Бұдан бөлек, ауданның әлеуметтік-экономикалық дамуына айрықша үлес қосқан аға буын өкілдеріне алғыс білдіріп, дендеріне саулық тіледі. Шара барысында аудан басшысы Ғ.Қазантаев бірқатар азаматтарға "Сырдария ауданының Құрметті азаматы" атағын табыс етті.

Сонымен қатар, әр сала бойынша 16 азаматқа "Жыл үздігі" номинациясы берілді.

1. «Жылдың ең белсенді зейнеткері» номинациясы бойынша Сырдария ауданы ардагерлер кеңесінің төрағасы Әбенұлы Хайролла;

2. «Үздік қоғамдық кеңес» номинациясы бойынша Ақжарма ауылдық округінің ардагерлер және қоғамдық кеңесінің төрағасы Искаков Курман;

3. «Жылдың үздік ұйымы» номинациясы бойынша «Сырдария ауданының әйелдері» қоғамдық бірлестігінің төрайымы Жаналиева Ұлмекен Шанайқызы;

4. «Үздік кәсіпкер» номинациясы бойынша «Құндызды Май» Шаруа Қожалығының төрағасы Рахмет Бөлеген Әбжапбарұлы;

5. «Коммуналдық саласының үздік қызметкері» номинациясы бойынша «Арал» СЖКБД филиалының «Сырдария ауданының оқшау сумен жабдықтау жүйелерін пайдаланушы» өндірістік бөлімшесінің басшысы Дүзімбетов Болат Оспанұлы;

6. «Үздік мәдениет қызметкері» номинациясы бойынша Айдарлы халық театрының режиссері Рахия Абдукаримова Алайдарқызы;

7. «Үздік демеуші» номинациясы бойынша «Абай Даулет» жауапкершілігі шектеулі серіктестігінің басшысы Сарсенбаев Мурат Абаевич;

8. «Энергетика саласының үздік қызметкері» номинациясы бойынша КРЭК басшысы Қонысов Дәурен Қанатұлы;

9. «Ең шығармашыл директор» номинациясы бойынша №129 Ә.Жәмішев атындағы орта мектебінің директоры Назаров Жанболат Опабекұлы;

10. «Үздік балабақша тәрбиешісі» номинациясы бойынша «Асқар Тоқмағанбетов ауылдық округі әкімінің аппараты» коммуналдық мемлекеттік мекемесінің «Балауса» бөбекжайы мемлекеттік коммуналдық қазыналық кәсіпорнының I санатты тәрбиешісі Султанова Несибели Даутбаевна;

11. «Үздік дәрігер» номинациясы бойынша аудандық аурухана дәрігер-педиаторы Дыханова Рыскул Тажибаевна;

12. «Жыл спортшысы» номинациясы бойынша «№11 олимпиадалық резервтің мамандандырылған балалар-жасөспірімдер мектебі» коммуналды мемлекеттік мекемесінің тоғызқұмалақ бөлімінің жаттықтырушысы Елеусін Білімжан Мектепханұлы;

13. «Ақпарат саласының үздігі» номинациясы бойынша Сырдария аудандық «Тіршілік тынысы» газетінің тілшісі Беркінбаев Ердос Сәрсенбекұлы;

14. «Білім саласының үздігі» номинациясы бойынша Сырдария ауданы №210 Оспан Әбілпаттаев атындағы орта мектебінің Бастапқы әскери дайындық пәнінің оқытушы- ұйымдастырушысы Садықов Ерболат;

15. «Үздік блогер» номинациясы бойынша аудан әкімінің баспасөз хатшысы Ақтөре Ибрагимұлы;

16. «Жыл адамы» номинациясымен - соғыс және еңбек ардагері», Сырдария ауданының «Құрметті азаматы» Тасыров Яхия.