Қызылордада адамды қағып өлтірген жүргізуші іздестіріліп жатыр
Қызылордада адамды қағып өлтірген жүргізуші іздестірілуде, деп хабарлайды Kyzylorda-news.kz.
Облыстық полиция департаменті баспасөз қызметі жол-көлік оқиғасына айыпты жүргізушіні табу үшін аймақ тұрғындарынан көмек сұрауда.
«Биылғы жылдың қаңтар айының 20-күні кешкі 20 сағат 00 минут шамасында белгісіз жүргізуші белгісіз автокөлігімен Қызылорда қаласы, Шевченко көшесі №102 үйдің тұсында көшенің бойында екі азаматты қағып, салдарынан бір адам қайтыс болып, автокөлік жүргізушісі оқиға орнынан бой тасалап кеткен. Бұл жол-көлік оқиғасы бойынша білген, көрген, естіген куәлар болса, Қызылорда ОПД-нің 29-70-10, 29-70-60, 29-50-46 байланыс телефондарына хабарласуыңызды сұраймыз. Хабарламашы туралы мәліметтер жарияланбайтындығына кепіл береміз», – делінген департамент таратқан ақпаратта.
Сондай-ақ, полиця департаменті Қазақстан Республикасы Кылмыстық кодексінің 53 бабына сәйкес, кінәлі жүргізуші өз айыбын мойындап келсе, қылмыстық жауаптылығы жеңілдейтінін хабарлап отыр.
