АЗАМАТТЫҚ ҚОРҒАНЫС БӨЛІМІ САБАҚ ӨТКІЗДІ
Қызылорда облысының ТЖД азаматтық қорғаныс бөлімінің бастығы, подполковник С.Сыздық және бөлімнің аға офицері, капитан А.Тоғызбаев азаматтық қорғаныс саласы бойынша "Халыққа қызмет көрсету саласындағы қоғамдық ұйымдардың басшылары мен мамандары" атты оқу-курсын ұйымдастырып, сабақ өткізді.
Оқу-курсына білім беру ұйымдарының және байланыс қызметтерінің мамандары қатысып, осы саладағы азаматтық қорғаныстың жай-күйін талқылады. Тыңдаушыларға ТЖД өкілдері азаматтық қорғаныс жайлы түсінік берді.
Курс соңында тыңдаушыларға сертификаттар табысталып, департамент ғимаратында орналасқан Азаматтық қорғау органдарының музейіне экскурсия ұйымдастырылды.
