ТӨТЕНШЕ ЖАҒДАЙҒА ДАЙЫНДЫҚ БАРЫСЫ ТАЛҚЫЛАНДЫ
Қызылорда облысы ТЖД Дағдарыс орталығында ҚР Президенті Аппараты Қауіпсіздік Кеңесінің қауіпсіздіктің жалпы мәселелері бөлімі сарапшысы Ақболат Жылқыбайдың қатысуымен «Қызылорда облысы аумағындағы су тасқынының алдын алу шаралары» тақырыбында жиналыс өтті.
Жиынға су тасқыны кезінде жұмылдырылатын мекемелер мен ұйымдар басшылары қатысты.
Жиналыс барысында төтенше жағдайлар департаментінің бастығы, азаматтық қорғау полковнигі О.Бержанов хабарлама жасап, онда Сырдария өзеніндегі судың деңгейі мен ауа райы туралы күнделікті ақпараттар алынып, күнделікті мониторинг жұмыстары жүргізіліп жатқанын жеткізді.
Департамент басшысының хабарлауынша бүгінде ТЖД жеке құрамы халық арасында түсіндірме жұмыстарын жүргізіліп жатыр. Жиында сондай-ақ, су тасқыны орын алған жағдайда аса қауіпті учаскелерге жақын орналасқан тұрғындарды хабардар ету және қауіпсіз орынға көшіру жұмыстары, сонымен қатар көктемгі су тасқыны кезінде жұмылдырылатын күш-құралдардың дайындығы туралы айтылды.
Қызылорда облысы Төтенше жағдайлар департаментінің
Төтенше жағдайлардың алдын алу бөлімі
