Қызылордада өзін әкімдік қызметкері ретінде таныстырған азамат ұсталды
Қызылордада өзін әкімдік қызметкері ретінде таныстырған алаяқ қолға түсті, деп хабарлайды Kyzylorda-news.kz облыстық Полиция департаментінің баспасөз қызметіне сілтеме жасап.
25 жастағы азамат алаяқтық жолмен ұялы телефон арқылы бір мекеме басшысынан 300 мың теңге ақша талап еткен. Одан бөлек, полицияға осы тектес екі азаматтан арыз түскен.
«Полиция қызметкерлерінің жүргізген жедел іздестіру жұмыстарының нәтижесінде күдікті азамат анықталды. Аталған дерек бойынша ҚР ҚК-нің 190-бабы 1-бөлігімен сотқа дейінгі тергеп-тексеру жүргізіліп, жауап алу барысында ол өзінің кінәсін толығымен мойындады» делінген баспасөз хабарламасында.
Қазіргі таңда күдіктінің басқа да қылмыстарға қатыстылығын анықтау мақсатында тексеру амалдары жүргізілуде.
