Елбасы кітапханасының директоры Әмірхан Рахыжановтың Қорқыт Ата атындағы ҚМУ-дың ұжымымен кездесті
Бүгін Қазақстан Республикасының Тұңғыш Президенті – Елбасы кітапханасының директоры, саяси ғылымдардың докторы, профессор Әмірхан Рахыжанов Қорқыт Ата атындағы Қызылорда мемлекеттік университетінің оқытушы-профессорлық құрамы және білім алушы жастарымен кездесті, деп хабарлайды Kyzylorda-news.kz.
Кездесу барысында «Археология және этнография» ҒЗО көрме залының, IT саласыменстуденттердің стартап-жобасына арналған көрменің, «Елбасы және Тәуелсіз Қазақстан» көрме залының таныстырылымы өтті.Кездесу барысында Қорқыт Ата атындағы ҚМУ ғылыми-техникалық кітапханасына Елбасы кітапханасының атынан 300-ден астам кітап тарту етілді. Олардың қатарында Н.Ә. Назарбаевтың еңбектері, ҚР Тұңғыш Президентінің 1990-2016 жылдар аралығындағы қызмет хроникасы, Елбасының ресми өмірбаяны, отандық, шетелдік авторлардың Ұлт көшбасшысы туралы жазған кітаптары, қоғамдық-саяси, экономикалық, мәдени тақырыптағы кітаптар бар.
Кездесу «Н.Назарбаев: дәуір, тұлға, қоғам» атты Қазақстан Республикасының Тұңғыш Президенті – Елбасы кітапханасының көшпелі көрме жобасының аясында өтіп отыр. Қызылордада 5 cәуірде бастау алған жобаға ғылыми-білім беру, мәдени-ағартушылық іс-шаралар кіреді. Бағдарламаға сондай-ақ Қызылорда облысының аудандарында өтетін көшпелі экскурсиялар да кіреді. Жоба аясында ұйымдастырылатын ең маңызды шаралардың бірі – Тәуелсіз мемлекетіміздіңтарихындағы Қазақстан Республикасы Тұңғыш Президентінің рөлін ашатын қор көрмесі болып отыр. Қызылорда облысында өтетін «Н. Назарбаев: дәуір, тұлға, қоғам» көрмесі 2019 жылғы маусымның ортасына дейін жалғасады.
