Қызылордада девиантты балаларға арналған тренинг өтті
Kyzylorda-news.kz. Қызылорда облыстық девиантты мінез-құлықты балаларға арналған интернатының тәрбиеленушілері арасында «Болашаққа бағдар» атты тренинг өткізілді.Тренинг Қызылорда облыстық Полиция департаментінің психологтары мен ювеналды полиция инспекторларының ұйымдастыруымен жүзеге асырылды.
Тренингтің мақсаты – бір-біріне деген сенімділік, адамгершілік қатынасын қалыптастыру, психологиялық қолдау көрсету, өзара түсіністік дағдыларын қалыптастыру, тәрбиеленушілер арасында психологиялық ахуал қалыптастыру және болашаққа бағыт-бағдар беру болып табылады.
Жеті кезеңнен тұрған тренингте балалар топпен жұмыс жасап, әуенді және ертегі терапиясынан өтті.
Іс-шараға интернаттың 14 тәрбиленушісі қатысты.
