Сыр Медиа

Kyzylorda-news.kz. Қызылорда облысы полиция департаментінің есірткі қылмысына қарсы іс-қимыл басқармасының ұйымдастыруымен облыс көлемінде орта және арнаулы орта, жоғары оқу орындары арасында есірткіге қарсы үгіт бригадалар сайысы ұйымдастырылды. Бұл туралы полиция департаментінің баспасөз қызметі хабарлады.

Сайысқа 40 (316 оқушы, студент) үгітбригадасы қатысып, есірткі мәселесіне байланысты ой-пікірлерімен өздерінің үгіттеу шаралары мен театр қойылымдарында көрсете білді.

Құрылған сайыстық комиссия шешіміне байланысты Сырдария ауданы №35 орта мектебі жеңімпаз атанса, 2 орынды Шиелі ауданы №252 орта мектебі және 3 орынды Жаңақорған ауданы №52 орта мектебі иеленді.

Сайыс нәтижелері бойынша, 18 оқу орнының командаларына бағалы сыйлықтар табысталып, 22 оқу орнының командалары алғыс хаттармен марапатталды.