-6 градусқа дейін үсік жүреді: Сәрсенбіге ауа райы болжамы
Kyzylorda-news.kz. Атмосфералық фронттардың өтуіне байланысты 22 мамыр күні жаңбыр жауады. Республиканың тек батысында және оңтүстік-батысында ашық ауа райы сақталады. Кей жерлерде найзағай, тұман, желдің күшеюі, дауыл күтіледі, бұршақ жаууы мүмкін, деп хабарлайды ҚазАқпарат.
«Қазгидромет» РМК мәліметінше, Жамбыл облысының кей жерлерінде найзағай күтіледі, бұршақ жаууы мүмкін, желдің күші 23-28 м/с күшейеді.
Алматы облысының кей жерлерінде найзағай болжанады, бұршақ жаууы мүмкін, желдің жылдамдығы 25 м/с артады.
Шығыс Қазақстан облысының кей жерлерінде найзағай, дауыл күтіледі, бұршақ жаууы мүмкін, жел екпіні 25 м/с жетеді.
Қарағанды облысының кей жерлерінде найзағай, тұман күтіледі, бұршақ жаууы мүмкін, күндіз кей жерлерінде жел 15-20 м/с күшейеді.
Солтүстік Қазақстан облысының кей жерлерінде тұман күтіледі, күндіз кей жерлерінде бұршақ жаууы мүмкін, жел 15-20 м/с артады.
Ақмола облысында тұман, найзағай, бұршақ болады, желдің күші 15-20 м/с артады.
Түркістан облысының кей жерлерінде найзағай, дауыл күтіледі, бұршақ жаууы мүмкін, жел 15-20 м/с күшейеді.
Қостанай облысында түнде және таңертең кей жерлерде тұман күтіледі, күндіз жел 15-20 м/с жетеді.
Қызылорда облысында жел 15-20 м/с күшейеді.
Күндіз Павлодар облысының кей жерлерінде найзағай күтіледі, желдің екпіні 15-20 м/с жетеді.
Түнде Ақмола, Павлодар облыстарының кей жерлерінде 1-6 градус, Қостанай, Солтүстік Қазақстан, Қарағанды облыстарында -3 градус, Ақтөбе облысында -1 градус үсік жүреді.
