ҚАЛАМГЕРЛЕР БАСҚОСУЫ
Қармақшы аудандық орталық кітапханасында «Рухани жаңғыру» бағдарламасы және «Жауһар жыр» жобасы аясында жергілікті ақын-жазушылардың кездесу өтті.
Рухани өрлеу мен рухани жаңғыру еліміздің ары қарай дамуының ең басты көрсеткіші екені айқын. Республикамыздың барлық өңірлерінде былтырғы жылдан бері рухани жаңғыруды негізге алып, ұлттық құндылықтарымызды жаңашылдықпен насихаттауға бағытталған игі істер қолға алынуда.
Осы бағдарлама аясында ақын-жазушыларымыздың шығармаларын насихаттау да бар. Жергілікті шығармашылық өкілдері Елбасының «Рухани жаңғыру» бағдарламасының дер кезінде қолға алынғанына тоқталып, өз пікірлерін ортаға салды.
Қаламгерлер бас қосқан жиынды ақын Дастан Нәзікбаев жүргізді. Оған Үкіметтік емес ұйым өкілдері мен ақпарат құралдарының өкілдері де қатысты.
