Жырау Шәмшат Төлепованы еске алуға арналған жыр кеші өтті
Қармақшы аудандық мәдениет үйінде жыршы- термеші, халыққа еңбек сіңірген мәдениет қайраткері Шәмшат Төлепованы еске алуға арналған «Домбырасын моншақтаған жыр жауһарлары» атты облыстық жыр фестивалі өтті, деп хабарлайды Kyzylorda-news.kz.
Фестиваль аясында Күнсұлу Түрікпен, Майра Сәрсенбаева, Зәуре Кәрібаева, Айгерім Ешбаева т. б. жыршы қыздар Шамшат Төлепованы еске ала отырып, халыққа рухани дем беріп, сан ғасырлар қойнауында жатқан саф өнерді дәріптеді.
Фестивальдің қорытынды кезеңінде аудандық әйелдер кеңесінің төрайымы, аудандық мәслихат депутаты Гүлжауһар Раева, аудан ардагері Әбдірахман Құлдүйсенов сөз алып фестивальге қатысушыларға өздерінің жылы лебіздерін білдіріп, сый-сияпат жасады.
