АРАЛДА ГРЕК-РИМ КҮРЕСІНЕН РЕСПУБЛИКАЛЫҚ ТУРНИР ӨТІП ЖАТЫР
Арал қаласында грек-рим күресінен 2004-2006 жылы туылған жасөспірімдер арасында турнир өтуде.
Акробатикадан қазақ жастары арасынан шыққан тұңғыш КСРО спорт шебері Дәри Əбуұлы Құттымұратовты еске алуға арналған республикалық турнир №19 Арал ОРМБЖ мектебінің спорт залында салтанатты түрде ашылды. Оны аудандық дене шынықтыру және спорт бөлімінің ұйымдастырып отыр.
Республикалық турнирдің ашылу салтанатына аудан әкімі М.Оразбаев арнайы қатысып, палуандарға сәттілік тіледі.
Атап өту керек, жарысқа Атырау, Ақтөбе, Оңтүстік Қазақстан облыстары,Түлкібас ауданы, Қызылорда қаласы жəне Қазалы ауданынан 10 команда, барлығы 150 спортшы қатысып, бақ сынасуда.
Жарыс 28 наурызы күні қорытындыланатын болады.
