Сыр Медиа

Осы жылдың 5-6 мамыр күндері Қармақшы ауданы, Жосалы кентінде Ұлы Отан соғысындағы Жеңістің 73 жылдығына арналған Кеңес Одағының Батыры Тәйімбет Көмекбаев атындағы самбодан халықаралық мемориал басталады.

  Осымен 23 жыл қатарынан жалғасып келе жатқан дүбірлі бәсекеге Әзірбайжан, Белоруссия, Грузия, Моңғолия, Өзбекстан, Ресей, Украина, Тәжікстан, Қырғызстан және Қазақстаннан 24 команда, 200-дей самбошылар 9 салмақ дәрежесінде жүлделерді сарапқа салады.

  Турнир соңында қазақ күресінен «Түйе палуандар» сайысы ұйымдастырылады.

Жарыс 5 мамыр күні сағат 9.00-де басталады, 15.00-де салтанатты ашылуы болады.