Сыр Медиа

Елбасының «Болашаққа бағдар: рухани жаңғыру» бағдарламасы және Қармақшы ауданының 90 жылдығына аясында 2003-2004 жылы туылған жасөспірімдер арасында шағын футболдан аудандық ашық біріншілік өтті.

Жарыстың мақсаты – жасөспірімдер арасында Қармақшы ауданының 90 жылдығын насихаттау, салауатты өмір салтын қалыптастыру болып табылады.

Жарысқа жалпы білім беретін оқу орындарынан 14 мектептің командасы қатысты. Тартысты өткен ойынның нәтижесінде І орынды №183 орта мектептің командасы жеңіп алды. Команда жетекшісі – Берікбол Мергенбаев. Жүлделі екінші орынды №250 мектеп-лицейі иеленсе, келесі орын №30 мектеп командасына бұйырды.

Сонымен бірге «Үздік ойыншы» номинациясымен №186 мектеп оқушысы Бейбарыс Әбжанов, «Үздік қақпашы» номинациясымен №250 мектеп лицейінің оқушысы Бексұлтан Әзілханов, «Үздік шабуылшы» номинациясымен №30 орта мектеп оқушысы Әсет Жанайдарұлы, «Үздік қорғаушы» номинациясымен №186 мектеп оқушысы Еркебұлан Берманов, ал «Үздік сұрмерген» номинациясымен Абай Ерғазы (№79 мектеп) марапатталды.

Шағын футболдан өткізілген жарыста үздік өнерімен нәтижеге жеткен командалар облыс біріншілігіне жолдама алды.