Сыр Медиа

Қызылорда қаласының 200 жылдық мерейтойы және Криминалдық полиция басқармасының 100 жылдығына орай «Динамо» спорт кешенінде Қызылорда қаласы Ішкі істер басқармасының жеке құрам қызметкерлері арасында шағын футбол, арқан тарту және қол күрестен жарыс өткізілді.

Шағын футбол мен арқан тарту, қол күрес сайыстары бойынша басқарманың барлық қызмет салаларынан барлығы 160 қызметкерден 10 команда құрылып, олар «Үздік қақпашы», «Үздік шабуылшы», «Үздік қорғаушы» номинациялары бойынша жоғары көрсеткіштер көрсетті.

Сонымен қатар, аталған командалар арасында мини - футбол ойыны бойынша тартымды әрі бәсекелі ойын өткізіліп, нәтижесінде басқарманың тергеу бөлімінің командасы үздік ойын көрсетіп, бірінші орынға ие болды.

Ал арқан тартыс сайысы бойынша Ақсай және Тасбөгет полиция бөлімінен құралған құрама команда бірінші орынды иеленді.

Қол күрес сайысында басқарманың криминалдық полиция бөлімінің жедел уәкілі полиция аға лейтенанты Әлімжан Әлімбетов өзіне деген қарсыластарды шақ келтірмей, жеңімпаз атанды.

Жеңімпаз командалар дипломдармен және сыйлықтармен марапатталды.