Аралда волейболдан республикалық турнир өтуде
Kyzylorda-news.kz. Арал ауданында волейболдан 2005-2006 жылдары туылған жасөспірім қыз балалар арасында белгілі спортшы Асқат Ахановты еске алуға арналған республикалық турнир ашылды.
Турнирдің ашылу салтанатына аудан әкімінің орынбасары Б.Жұмағұлов қатысып, №62 орта мектептің түлегі, белгілі волейболшы А.Ахановтың өмір жолына тоқталып, спортшымыздың қалдырған өнегесі мен ізін кейінгі ұрпаққа насихаттау мақсатында еске алу турнирінің жыл сайын ұйымдастырылып келе жатқандығын тілге тиек етті.
Турнирдің ашылу салтанатына аудан әкімінің орынбасары Б.Жұмағұлов қатысып, №62 орта мектептің түлегі, белгілі волейболшы А.Ахановтың өмір жолына тоқталып, спортшымыздың қалдырған өнегесі мен ізін кейінгі ұрпаққа насихаттау мақсатында еске алу турнирінің жыл сайын ұйымдастырылып келе жатқандығын тілге тиек етті.Сонымен қатар, Ахановтар әулетінің атынан ағасы сөз алып, Асхаттың спорт саласындағы жетістіктіктерін айта келе спортшыларға сәттілік тіледі.
Айта кетейік, биыл ауданда XVIIІ мәрте өткізіліп жатқан турнирге еліміздің Атырау, Маңғыстау, Батыс Қазақстан және Қызылорда облыстарынан 9 команда қатысуда. Жалпы үші күнге жоспарланған жарысқа қатысушы спортшылар Арал қаласындағы орталық стадионда орта мектептің спорт залында тартысты ойын өткізуде.
