Бек Нұрмағамбет бокстан Азия чемпионатында топ жарды
Kyzylorda-News.kz. Бокстан Бангкокте өтіп жатқан Азия чемпионатында Тұрсынбай Құлахметтің ізін ала Бек Нұрмағамбет чемпион атанды деп хабарлайды Olympic.kz.81 келіде жұдырықтасқан қазақ боксшысы финалда филиппиндік Джон Нобель Марвинді жеңіп, құрлық бәсекесінен қара үзіп шықты.
Осыған дейін 75 келідегі Тұрсынбай Құлахмет Азия чемпионы атанған болатын. Сондай-ақ, бүгін финалда жұдырықтасқан Зәкір Сафиуллиннің еншісінде күміс медаль бар.
Василий Левит, Санатәлі Толтаев және Теміртас Жүсіповтер құрлық додасының қола жүлдегерлері қатарында.
