Қызылордада құтқарушылардың десанттық жаттығу жұмыстары жүргізілді (ФОТО)
Kyzylorda-news.kz. Қызылордада Өрт сөндіру қызметінің құтқарушылары және кинологиялық есеп тобы «Қазавиақұтқару» АҚ қызметкерлерімен бірлесіп, десанттық жаттығу жұмыстарын жүргізді.
Жаттығу алдында МИ-8Т тікұшағының командирі құтқарушыларға қауіпсіздік ережесін сақтау, құтқару құрал-жабдықтарын тікұшаққа тиеп-түсіру жөнінде нұсқаулық өткізді. Тікұшақтан альпинистік құралдармен төмен түсу әуе кемесінің жерге қонуға мүмкіндігі болмаған жағдайда атқаратын құтқару жұмысының бірі. Сондықтан құтқарушылар өздерінің кәсіби дағдыларын ұдайы дамытып отырады.
Жаттығу барысында құтқарушылар тікұшақтан десанттық әдіспен түсу, апатты жағдайда қалған азаматтарды құтқару және іздестіру бойынша өз кәсіби шеберліктерін дәлелдеді.
