ҚЫР ЖАСТАРЫ ІІІ ИНТЕРНАЦИОНАЛ АУЫЛЫНДА
Жуырда Мұғалжарлық жастар керемет көңіл күймен түс қайта ІІІ Интернационал ауылына қарай жол тартты. Бірнеше ұлт өкілінен тұратын мекен қонақжайлықтарын көрсетті. Ең алдымен саяхатшы жастар Цай Ден Хактың мемориалды мұражайына кіріп, ауылдың өткенімен танысып, «председательдің» ескерткішіне гүл шоғын қойды. Келесі сапар Цай Ден Хак атындағы мәдениет үйінде жалғасты. Түрік пен кәріс ұлтының ұлттық тағамдарынан дәм татып, өзге ұлт өкілдерінен құралған концерттік бағдарламаны тамашалады. Болмысы бөлек, тілегі бір болған ауыл тұрғындарының ауызбіршілігі мен достығы берік екені айшықталып тұрғандай. Оны «Бади-Нұр» балабақшасынан да аңғару қиын емес.
Мұндағы басқа ұлттың бүлдіршіндері де бір үйдің баласындай тұлымшағы желбіреп ойнап жүр.
Қармақшы ауданы, ІІІ Интернационал ауылы
