МОБИЛЬДІ ТОП МҮШЕЛЕРІ ЕҢБЕК ҰЖЫМДАРЫМЕН КЕЗДЕСТІ
Қызылордада «Парасыз болашаққа. Бірге!» атты жоба аясында шаралар қолға алынды.
Осының аясында сыбайлас жемқорлыққа қарсы мобильді топ мүшелері №4 қалалық емхана мен облыстық тері-венерологиялық диспансердің еңбек ұжымдарымен кездесті.
Кездесу барысында топ мүшелері орталық қызметкерлеріне Қазақстан Республикасындағы сыбайлас жемқорлыққа қарсы іс-қимыл заңнамасының құқықтық негіздері, сыбайлас жемқорлық әрекеттерді жасағаны үшін көзделген жауапкершілік түрлері мен оның зардаптары жайлы айтып, жат әдеттен аулақ болуға үндеді.
