Сейсенбіде еліміздің басым бөлігінде күн ыстық болады- Қазгидромет
Kyzylorda-news.kz. «Қазгидромет» РМК 16 шілдеге арналған ауа райы болжамын ұсынады, деп хабарлайды ҚазАқпарат.
Республиканың басым бөлігі антициклон ықпалында болғандықтан жауын-шашынсыз ауа райы болжанады. Тек Қазақстанның батысында, солтүстік-батысында атмосфералық ауа ағындардың өтуіне байланысты кей жерлерде жаңбырмен бірге найзағай, дауыл күтіледі, бұршақ жаууы ықтимал.
Батыс Қазақстан облысының күндіз кей жерлерінде жел 15-20 м/с күшейеді, бұршақ жаууы ықтимал. Шығыс Қазақстан облысының күндіз кей жерлерінде шаңды дауыл күтіледі, жел 15-20 м/с күшейеді.
Қостанай, Маңғыстау, күндіз Қызылорда, Қарағанда облыстарының кей жерлерінде жел 15-20 м/с күшейеді, Маңғыстау облысының кей жерлерінде шаңды дауыл соғады.
Ақмола, Ақтөбе, Қарағанды, кей жерлерде Ақмола, Түркістан, Қызылорда, Маңғыстау, Қостанай Солтүстік Қазақстан облыстарында қатты ыстық күтіледі. Қарағанда облысының кей жерлерінде оте қатты ыстық күтіледі.
Қызылорда, Түркістан, Алматы, кей жерлерде Жамбыл, Ақтөбе, Қарағанды, Шығыс Қазақстан, облыстарының кей жерлерінде жоғары өрт қауіпі сақталады.
