Сыр Медиа

Ол ХХ және ХХІ ғасырлардағы ең танымал ойыншықтардың бірі. Батыс Еуропа мен Америкада ол Теодер Рузвельттің есіміне ұқсас Тедди атымен аталады. 1902 жылы президент америкалық қара аюға жанашырлық танытқан-ды. Рузвельт ағашқа байланған аюды келіп атуға шақырту алады. Алайда ол оны атудан бас тартып, мұны басқа біреулерге тапсырады. Мұндағы мақсаты — қиналып жатқан аюды құтқару болатын.

Бұл оқиға туралы газет беттерінде жазылып, түрлі карикатура пайда болды. Уақыт өте келе ол кішкене сүйкімді аюға айналды. Оқиғаның мән-жайы уақыт өте келе бұлыңғырланып ұмытыла бастады. Бірақ Теддидің аюды атудан бас тартқаны жұрттың есінде қалды.

ЮНЕСКО Бас конференциясының 33-сессиясында осы ұйымға мүше-мемлекеттер 27 қазанды Дүниежүзілік аудиовизуалдық мұра күні деп жариялау туралы шешім қабылдады. Бұл «экономикалық, саяси және әлеуметтік дамудың, білім берудің, ғылыми ілімнің және түрлі ұлттар мен қоғамдастықтардың мәдениеттері алуандығы ілгерілегенінің, сондай-ақ табиғат пен бүкіл жер-жаһанның дамығанының» дәлелі деп атап көрсетілді.

1953 жылы Мойынты — Шу темір жолы іске қосылды.

2005 жылы Елбасы Татарстанның сол кездегі президенті Минтимер Шаймиевке Қазақстан Республикасы Тұңғыш Президентінің мемлекеттік бейбітшілік және прогресс сыйлығын табыс етті.

2008 жылы Швейцарияда әлемдегі бірінші жерасты метросы ашылды.

2015 жылы Айдын Айымбетов «ЭКСПО-2017» халықаралық көрмесінің ресми елшісі атанды. «Астана ЭКСПО-2017» ұлттық компаниясы» АҚ басқармасының төрағасы Ахметжан Есімов ғарышкерге тиісті сертификатты табыс етті. Бұдан басқа, Айымбетовке ғарыш кемесі металынан дайындалған сағат берілді, онда «Қазақстан, Байқоңыр, Союз ТМ-18М» деген жазу бар.

2018 жылы Қызылордада «Шалқия цинк» АҚ тау-кен байыту комбинатының іргетасы қаланды.

«Самұрық-Қазына» ұлттық әл-ауқат қоры» АҚ Басқарма Төрағасының орынбасары А.Айдарбаев Сыр өңіріне сапары барысында Қызылорда облысының сол уақыттағы әкімі Қ.Көшербаевпен бірге «Шалқия» кен орнындағы кен байыту комбинатының іргетасын қалау рәсіміне қатысты.

Сапар барысында Қызылорда облысы әкімдігі, «Шалқия Цинк ЛТД» АҚ және «Доберсек» неміс компаниясы арасында өзара ынтымақтастық туралы үшжақты меморандумға қол қойылды.