ХАЛЫҚ ҚАЛАУЛЫЛАРЫ ҚАРМАҚШЫДА БОЛДЫ
Қазақстан Республикасы Мәжілісінің депутаттары Б.Ізмұхамбетов, А.Тасболатов, Қ.Сұлтанов, М.Ерман, Г.Шиповских іс сапармен Қармақшы ауданында болып, аудан активімен кездесу өткізді.
Кездесуге аудандық мәслихат депутаттары, мекеме, бөлім басшылары, үкіметтік емес ұйымдар мен БАҚ өкілдері қатысты. Мәжіліс депутаттары Елбасы Н.Ә.Назарбаевтың «Болашаққа бағдар: Рухани жаңғыру» атты мақаласының орындалу барысына, қос палата депутаттары тарапынан атқарылып жатқан жұмыстарға тоқталып өтті.
Сонымен қатар халық қалаулыларының іс-сапары аудандық ішкі істер бөлімінің қызметкерлерімен кездесіп, олардың жұмыстарымен танысумен жалғасты.
