БІЛІМ САЛАСЫН ЖАҢА БИІККЕ КӨТЕРЕДІ
Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауы қалалық білім ұйымдарында да талқылануда.
№3 мектеп-лицейде өткен осындай жиында оқу орны басшысының орынбасары Аманғали Есімов басты құжаттың маңыздылығы мен басымдығын атап өтті.
Жолдаудағы «Адами капитал – жаңғыру негізі» деп аталатын жетінші басымдықтағы білім берудің жаңа сапасына кеңінен тоқталды.
2019 жылдан 10-11-сыныптардағы жаратылыстану ғылымының жекелеген пәндерін оқытуды ағылшын тіліне көшіру басталады.
Жалпы Жолдаудағы білім сапасын жаңғыру бастамалары жайлы тарата айтқан А.Есімов басты құжатты жүзеге асыруда сала мамандарының қоса үлесі мол болатындығын жеткізді.
