АРДАГЕРЛЕРГЕ ҚҰРМЕТ КӨРСЕТІЛДІ
Достық үйінде Жеңістің 73 жылдығына арналған «Славян» этно-мәдени орталығының ұйымдастыруымен салтанатты шара өтті.
«Славян» орталығының басшысы Галина Щербакова мен «Қоғамдық келісім» орталығы директорының орынбасары Асылбек Жұмабаев ардагерлерді құттықтап, ықыласын білдірді.
Кешке келген соғыс және тыл ардагерлері кейінгі ұрпаққа ауыр да қиын балалық шақтарын әңгімелеп, фашизмге қарсы күрескен ата-бабалары туралы естеліктерімен бөлісті.
Шарада тақырыптық фотокөрме ұйымдастырылып, Ұлы Отан соғысына қатысқан біздің отандастарымыз туралы бейнебаян көрсетілді.
Этномәдени бірлестіктің шығармашылық ұжымы қонақтарға концерттік бағдарлама ұсынды.
