Сыр Медиа

Ә.Тәжібаев атындағы облыстық әмбебап ғылыми кітапханасының ұйымдастыруымен М.Ықсанов атындағы Қызылорда политехникалық колледж студенттерімен Елбасымыз Н. Назарбаевтың «Болашаққа бағдар – рухани жаңғыру» мақаласы аясында «Бабалар сөзі–даналық көзі» атты интеллектуалдық-танымдық мәдени шара өткізілді.

  Шараның мақсаты - бабалардан қалған ұлағатты, ғибрат аларлық сөздерді жастарға түсіндіру, сол сөздерден өнеге алуға баулу. Ұлдың батыр, қыздың әдепті болып қалыптасуы, бабалар мұрасына байланысты. Демек, бабаларымыздың өнеге өсиетін пайдалана отырып тәрбиелеуде ұлттық тұлғаның қалыптасатынын ұғындыру.

  Мәдени шараға М.Ықсанов атындағы Қызылорда политехникалық колледж оқытушылары мен студенттері қатысты.

Оқырмандар арасында викториналық сұрақ-жауап, тәрбиеге байланысты мақал-мәтел айтудан сайыс ұйымдастырылды. Жеңімпаздар сыйлықтармен марапатталды.