ЖАЛАҒАШ АУДАНЫНЫҢ БҮЛДІРШІНДЕРІ 100 ПАЙЫЗ БАЛАБАҚШАМЕН ҚАМТЫЛҒАН
Нақты кезеңде Жалағаш ауданында барлығы 38 мектепке дейінгі білім беру ұйымдары жұмыс жасайды. Олардың 10-ы мемлекеттік (780 бала), 16-сы жеке балабақша (1061 бала) және 12-сі мектеп жанындағы шағын орталықтар (283 бала).Барлық мектепке дейінгі ұйымдарда қамтылған бала саны – 2124.
Биылғы 2018 жылға 3 пен 6 жас аралығындағы балаларды мектепке дейінгі тәрбиемен және оқытумен қамту көрсеткішін 100 пайызға жеткізу міндеттемесі толығымен орындалды.
Айта кетейік, тіректі елді мекендерді дамыту мақсатында облыстық бюджет есебінен 260 млн. теңге қаржы бөлініп, Мәдениет ауылында 90 орындық балабақша ғимаратының құрылысы аяқталды. Бұл балабақша ел игілігіне пайдалануға берілді.
