ҮКІМЕТТІК ЕМЕС ҰЙЫМДАР БЕЛСЕНДІЛІГІ АРТЫП КЕЛЕДІ
Нақты кезеңде Жалағаш ауданында әділет органдарында тіркелген 25 үкіметтік емес ұйым бар. Олардың 12-сі қоғамдық қор болса, қалған 13-і қоғамдық бірлестіктер. Оның ішінде екеуі – жастар ұйымдары.
Аудан әкімі Қ.Сәрсенбаевтың айтуынша, аталған ҮЕҰ-дарға мемлекеттік әлеуметтік тапсырыс шеңберінде биылғы жылдың 6 айында жергілікті бюджеттен 8 млн. теңге қаржы бөлініп, 8 әлеуметтік жоба жүзеге асырылған.
Сонымен қатар, ауданда қоғамдық-саяси ахуал тұрақты. Аудан тұрғындарының әлеуметтік жағдайына тоқсан сайын қоғамдық бірлестіктер арқылы сауалнама жүргізіліп келеді. Аудан көлемінде шиеленісуі мүмкін жағдайлар, ішкі саяси жағдайдың тұрақтылығына кері әсерін тигізуі мүмкін болжамдалып отырған оқиғалар, түрлі саяси партиялардың іс-қимылдары байқалмайды.
