Сыр Медиа

    Қызылорда облыстық сотында Аймақтық оқу орталығының ұйымдастыруымен, облыстық соттың азаматтық істер жөніндегі сот алқасының төрағасы Әділхады Шығамбаевтың төрағалығымен "Экология заңнамасын қолдануда туындайтын мәселелер" тақырыбында "дөңгелек үстел" өткізілді. Іс шараға судьялар, прокурорлар, мемлекеттік органдар өкілдері қатысты.

    Шараны Ә.Шыгамбаев ашып, күн тәртібіндегі негізгі мәселелермен таныстыра келе, экология заңнамасын бұзудан туындайтын әкімшілік және азаматтық істерді қарау барысында соттардың экологиялық заңнамалардың дұрыс қолданылуына ерекше назар аудару қажет екендігін айтты.

    Бұдан кейін баяндамашылар Қызылорда облысының мамандандырылған ауданаралық экономикалық сотының судьясы 3.Жарылқасынова, Қызылорда қалалық сотының судьясы Г.Мырзатаева, Қызылорда қаласының әкімшілік сотының судьясы С.Утегенова, Қызылорда облысының экология департаментінің мемлекеттік бақылау бөлімінің басшысы Б.Баймаханов, Қызылорда облысының табиғи ресурстар және табиғат пайдалануды реттеу басқармасының бөлім басшысы Т.Досмайлов экологиялық заңнаманы қолдану барысындағы туындайтын мәселелер бойынша баяндамаларын оқыды.

    Дөңгелек үстел барысында экологиялық заңнамаларын колдану бойынша сот тәжірибесінің мәселелері, жургізілген тексеру нәтижесімен анықталған заң бұзушылықтар бойынша жауапкершілікке тарту кезінде туындайтын даулар, әкімшілік істерді қарауда экологиялық заңнаманы колдану туралы азаматтық істерді қарау кезінде туындаған мәселелері талкыға түсті. Атап айтқанда экологиялық заңдардың сақталуына жүргізілтен тексеру нәтижесімен жауапкершілікке тарту, мемлекеттік экологиялық сараптама жүргізу. қоршаган ортаны ластаудың негізгі факторлары мен сот тәжірибесі.

    Дөңгелек үстел катысушылары экологиялық- заңнаманы қолдануда туындайтын дауларды шешу мақсатында тұрақты түрде шолу жасауға және олар бойынша кемшіліктерді болдырмау үшін бірлесе жұмыс жасау туралы ұсыным әзірледі.