Еуразиялық экономикалық одаққа мүше мемлекеттермен өзара тауарлар саудасы туралы
Алдын–ала деректер бойынша 2018 жылдың қаңтар-қыркүйегінде Қызылорда облысының ЕАЭО елдерімен өзара саудасы 55260,9 мың АҚШ долларын құрады, немесе 2017 жылғы қаңтар-қыркүйекке қарағанда 0,2%-ға аз, деп хабарлайды облыстық статистика департаменті. Оның ішінде экспорт 20309,6 мың АҚШ доллар (6,5%-ға көп), импорт – 34951,3 мың АҚШ доллар (3,7%- ға аз).
Қызылорда облысының экспорты құрылымында көпшілігін минералды өнімдер – 67,1% (тұз – 58,3% ЕАЭО елдерінің барлық экспортының көлеміне, табиғи құмдар – 7,9%, мұнай өнiмдерi – 1%), малдан шығатын, өсімдік тектес өнімдер және дайын азық-түлік тауарлар – 32,8% (күріш – 27,8%, жас немесе мұздатылған балық 3,6%).
ЕАЭО елдерінен үлкен дәрежеде машиналар және жабдықтар, транспорттық құралдар және аппараттар (ЕАЭО елдерінің импорты жалпы көлеміне 44,2%), химиялық өнеркәсіп өнімдері – 17,3%, мал және, өсімдіктер өнімдері, дайын азық-түлік тауарлар - 11,7%, металлдар және олардан жасалған бұйымдар – 7,9%, тастан, гипстен, цементтен жасалған бұйымдар, шыны және одан жасалған бұйымдары - 7%, ағаш материалдар және целлюлозды қағаз бұйымдары – 4,8%, минералды өнімдер - 3,4% әкелінді.
