Аралда спорт алаңы ашылды
Арал ауданы Сексеуіл кентінде жаңа спорт алаңы пайдалануға берілді, деп хабарлайды Kyzylorda-news.kz.
Тұңғыш Президенті күні қарсаңында пайдалануға берілген спорт алаңында мекеме қызметкерлері арасында шағын футболдан жарыс ұйымдастырылды.
Алаңның салтанатты ашылу рәсіміне қатысқан аудан әкімі Мұхтар Оразбаев көпшілікті Тұңғыш Президент күнімен және спорт алаңының ашылуымен құттықтап, жарысқа қатысушыларға сәттілік тіледі.
Айта кетейік, жаңа ашық спорт алаңында жасанды төсемелі спорттық ойын алаңы және балалар ойын алаңы, тренажер құрылғылары орнатылып, спортпен шұғылдануға толық жағдай жасалынған.
