Сумен жабдықтау және су бұру жобалары іске асты
Өткен жылы "Нұрлы жол" және «Өңірлерді дамыту» бағдарламалары бойынша сумен жабдықтау және су бұру жұмыстары басталды. Бұл туралы бүгін Өңірлік коммуникациялар қызметінде өткен баспасөз конференциясында облыс әкімінің орынбасары Серік Сүлейменов мәлімдеді, деп хабарлайды Kyzylorda-news.kz. 
Оның айтуынша, 33 жобаны іске асыру аясында 5,5 млрд. теңге бөлінген. Оған 211 км су құбыры және 16,5 км кәріз желілері салынды.
Оның айтуынша, 33 жобаны іске асыру аясында 5,5 млрд. теңге бөлінген. Оған 211 км су құбыры және 16,5 км кәріз желілері салынды."Бірыңғай операторға 175 селолық елді мекендерді ауыз сумен қамтамасыз ететін топтық және оқшау су құбырын субсидиялауға 2,5 млрд теңге бөлінді. Қаражат толық игерілді. Осыған байланысты, тұрғындар суға бұрынғыдай арзандатылған тариф бойынша төлейді, яғни суды есептеу құрылғылары барлар 30 теңге 1 куб. м., орнатпағандарға - 40 теңге", - деді С.Сүлейменов.
Сондай-ақ, облыстық бюджеттен іс-шараларға 1,1 млрд. теңге бөлінді, қаражат толығымен игерілді.
