9 сәуір:Атаулы күндер мен оқиғалар
2000 жылы ҚР Президенті Нұрсұлтан Назарбаев Баку қаласында өткен «Қорқыт ата кітабы» эпосының 1300 жылдығына арналған мерекелік мәжіліске қатысты.2009 жылы Оңтүстік Қазақстан облысының Төле би ауданында битум өндіретін зауыт іске қосылды.
2010 жылы Оңтүстік Қазақстан облыстық клиникалық ауруханасында аймақтағы бірінші экстракорпоралды ұрықтандыру орталығы (ЭКО-орталығы) ашылды.
2014 жылы Қазақстанда балаларға арналған Bugatti Veyron маркалы VIP санатындағы көлік құрастырылды. Мұндай машиналардың елде жалғыз ғана данасы бар. Көлікті құрастыруға қазақстандық тюнинг компаниясының екі жыл уақыты кетті. Бұл машина беделді автоның нақты көшірмесі болып табылады. Оның көлемі ғана бір жарым есеге аз: балаларға арналған спорткар бойы 120-160 см аралығындағы жүргізушіге арнап жасалған. Құрастырушылар көліктің салонын қызғылт-қара түсті былғарымен қаптаған. Люкс санатындағы машинаның әрбір бөлшегінің қолдан жасалғанын атап өту керек.
2014 жылы Қазақстан Республикасы Әуе қорғанысы күштерінің 30153 авиациялық бөлімінің жаңа штабы ашылды.
2017 жылы Қазақстандық әнші Димаш Құдайберген Қытайдың Шэньчжэнь қаласында өткен «17th Top China Music Awards» шарасында «Халықаралық дәрежедегі танымал әнші» номинациясы бойынша марапатталды.
