29 сәуір: Атаулы күндер мен оқиғалар
Kyzylorda-News.kz ақпараттық агенттігі оқырмандар назарына 29 сәуір күні ел тарихында орын алған атаулы күндер мен оқиғалардың күнтізбесін ұсынады.Халықаралық би күні
Бұл мереке ЮНЕСКО-ның шешімімен 1982 жылдан бастап, француздық балетмейстер, би өнерінің реформаторы әрі теоретигі Жан Жорж Новердің (1727-1810) туған күніне орай аталып өтеді.
1991 жылы Халықаралық хореография қайраткерлері қауымдастығы «Балеттік Бенуа» сыйлығын бекітті. Бұл сыйлық жыл сайын сәуірдің 29-дағы Халықаралық би күнінде табыс етіледі.
1992 жылы Алматыда Түрік елшілігі салтанатпен ашылды.
2002 жылы «Қазақстан Республикасы Президенті жанындағы Ұлттық кеңесті құру туралы» Жарлық шықты.
2011 жылы Ш.Айтматов повесінің желісімен режиссер Ардақ Әлімқұловтың «Қош бол, Гүлсары!» фильмі Бірінші халықаралық ирандық кинофестивальдің арнайы жүлдесін алды.
2016 жылы Қазақстанда алғаш рет ҚР Қарулы күштері Ұлттық әскери-патриоттық орталықта «Өмір мен өлім арасындағы заттар» атауымен халықаралық көрме өтті.
