Дүйсенбіге арналған ауа райы болжамы
Kyzylorda-news.kz. «Қазгидромет» РМК 29 сәуірге арналған ауа райы болжамын ұсынады, деп хабарлайды ҚазАқпарат.Қазақстанның басым аумағында атмосфералық ауа ағындардың өтуіне байланысты жауын-шашын жауады. Кей жерлерінде тұман, жел күшеюі, найзағай жарқылдап, бұршақ жаууы мүмкін, күндіз оңтүстік-батыста шаңды дауыл соғады.
Ақмола, Солтүстік Қазақстан, Павлодар, Батыс Қазақстан, Қостанай облыстарында желдің жылдамдығы 15-20, кей жерлерінде 23-28 м/с күшейюі күтіледі, кей жерлерде найзағай болып, бұршақ жаууы мүмкін.
Күндіз Атырау облысының кей жерлерінде найзағай, дауыл болып, шанды дауыл соғады.
Ақтөбе, Қарағанды облыстарының кей жерлерінде желдің жылдамдығы 15-20 м/с жетеді.
Күндіз Алматы, Кызылорда облыстарының кей жерлерінде жел 15-20 м/с жылдамдықпен соғады.
Алматы облысының кей жерлерінде найзағай күтіледі.
Түнде Шығыс Қазақстан облысының кей жерлерінде тұман түседі.
