Қызылордалық гандболшылар қазақстан спартакиадасының чемпионы атанды
Kyzylorda-News.kz. Қызылорда қаласы "Евразия" спорт кешенінде гандболдан əйелдер арасында ҚР 5-ші жазғы спартакиадасы өтті.Жарысқа Нұр-Сұлтан, Шымкент қалаларынан жəне Алматы, Ақтөбе, Қызылорда облыстарынан 100-ден аса спортшы қатысты.
Нəтижесінде Қызылорда облысының командасы қатарынан төрт дүркін Қазақстан спартакиадасының чемпионы атанды.
Команданы жарысқа бас жаттықтырушы, ҚРЕСЖ Вячеслав Ким жəне аға жаттықтырушы Ольга Егунова дайындады.
Айта кетейік, ІІ орынды - Нұр-Сұлтан қаласы, ІІІ орынды Шымкент қаласының командалары иеленді.
