Қазақтың ұлттық ойыны халықаралық лагерьде таныстырылды (ФОТО)
Kyzylorda-news.kz. Ресейдің Сочи қаласында өткен «Славянское содружество - 2019» халықаралық жастар лагерінде «Асық ату» ұлттық ойыны таныстырылды.
Халықаралық лагерге 20 мемлекеттің жастары қатысты. «Асық ату» ұлттық ойыны халықаралық «Славянское содружество - 2019» жобасының бағдарламасына енгізіліп лагерь қатысушылары арасында насихатталып, арнайы жарыс ұйымдастырылды.
«Ұсынысыма қолдау көрсеткен «Nur Otan» партиясы Қызылорда облыстық филиалына және арнайы Ақмарал Әлназароваға ризашылығымды білдіремін. «Славянское содружество» жобасының басшылығы «Асық ату» ұлттық ойынын дәстүрлі түрде өткізіп тұруға келісімін берді», - дейді халықаралық лагерьге Сыр өңірінен қатысқан Әсет Баймұрза.
