КӨРМЕ ТАҚЫРЫБЫ – АСТАНА
Қорқыт ата атындағы Қызылорда Мемлекеттік Университетінің Студенттер сарайында «Нұр Отан» партиясы «Тұран» филиалы мен «Әділет» БПҰ ұйымдастырған бұл көрме Астана қаласының 20 жылдығына арналды.
Көрмеге «Нұр Отан» партиясы «Тұран» филиалының БПҰ-дары, студенттер, қала тұрғындары, университет оқытушылары және «Жас Отан» ЖҚ белсенділері қатысты, деп хабарлайды университеттің баспасөз қызметінен.
Бұл – елорданың 20 жылдығына арналған шара. Кітапхана қорында Астана жайлы 200 ден аса еңбек бар. Соның жүзі осы кітап көрмесіне қойылған. Кітап көрмесі Елордамыздың 20 жыл ішінде даму жолдары мен тарихи кезеңдерін насихаттау арқылы Астананың абыройын асқақтатып, Астана қаласының тарихын білуге жетелеу.
–Тақырыпқа сай безендірілген көрмеде Астананың бүгінгі күні барлық оң бастамалар мен өзгерістердің флагманы болып табылатын көрікті жерлері мен жетістіктері туралы мәліметтер бар кітаптар мен мерзімді басылымдар қойылды дейді,- «Тұран» филиалы «Әділет» БПҰ төрағасы Гүлмира Әлібайқызы.
Көрмеге келген конақтар қатарында Астана қаласымен құрдас жастарда болды. Оның бірі – «Тұран» филиалы «Жас Отан» ЖҚ-ның басшысы Ләзи Алтынбек.
-Бұл шара шынымен де жас ұрпақтың бойында кітапсүйгіштікке, әдебиетке деген қызығушылықты оятатын болады. Көрмеге келген жастардың барлығы ана тіліміздегі әдеби-көркем кітаптарды оқыса, нұр үстіне нұр болары сөзсіз дейді жастар көшбасшысы Алтынбек.
Кітап рухани қазынамыз. Осы ретте бұндай көрмелердің берері мол болмақ, алдағы уақыттада осындай көрмелерді ұйымдастырып, көрме аясында таныстырылымдар, тұсаукесерлер, түрлі тақырыптарда іс-шаралар жоспарға сәйкес жалғасын табады,- деді «Нұр Отан» партиясы «Тұран» филиалы төрағасының бірінші орынбасары Есенжол Назаров.
