Қызылордалық Қамшыбек Қоңқабаев бокстан Әлем чемпионатында күміс жүлдегер атанды
Kyzylorda-news.kz. Ресейдің Екатеринбург қаласында өтіп жатқан бокстан Әлем чемпионатында ел намысын қорғаған жерлесіміз Қамшыбек Қоңқабаев күміс жүлдені жеңіп алды.
+91 келі салмақтағы Қамшыбек Қоңқабаев финалда өзбекстандық Баходир Джалоловтан ұтылып қалды. Осылайша, Әлем чемпионатының күміс медалін қанжығасына байлады.
Әлем чемпионатының жартылай финалында Қамшыбек Қоңқабаевтың қарсыласы австралиялық Юстис Хуни шаршы алаңғы шығудан бас тартқан болатын. Белгісіз себептерге байланысты қарсыласы шаршы алаңға шыққан жоқ. Нәтижесінде Қамшыбек финалға жолдама алды.
Қамшыбек әлем чемпионатында алғашқы сайысын 1/8 финалдық сатысынан бастады. Ол испаниялық Аюб Гадфаның осал тұсын тапты. Одан кейін ширек финалда неміс боксшысы Нелфи Тифакты жеңді.
Қамшыбек Қоңқабаев 1991 жылдың 18 қарашасында Қызылорда облысында дүниеге келген. Бүгінгі күнге дейін 2017 жылы әлем чемпионатында күміс жүлдегер атанса, 2017, 2019 жылдарда Азия чемпионатында екінші орын алды.
