4 сәуір: Атаулы күндер мен оқиғалар
Веб-шебер күніВеб-шеберлер мейрамын атап өту үшін осы күннің таңдалуы тегін емес. Нақтылап қараса 4.04 цифрлары 404 санын (интернет-парақша табылмады деген жазу) еске түсіреді. Веб-мастер немесе сайттың «басқарушысы» веб-сайт және интернеттегі корпоративтік қосымшаны жасаумен айналысады.
1861 жылы Кереку (Коряков) станицасы Павлодар деп аталып, қала мәртебесіне ие болды.
1992 жылы Алматыда ТМД елдерінің мемлекеттік қауіпсіздік және барлау органдарының арасындағы ынтымақтастықтың негізгі принциптері туралы келісімге қол қойылды.
1994 жылы «Қазақстан телеарнасы және радиосы» республикалық корпорациясы құрылды.
1994 жылы Корей Халық Демократиялық Республикасында «Сәуір көктемі» атты халықаралық фестиваль өтті. Онда «Отырар сазы» ансамблі (жетекшісі - Нұрғиса Тілендиев) бірінші орын алды.
1996 жылы алғашқы Балқаш алтын құймасы алынды.
