СЕРВИСТІК ҚЫЗМЕТ КӨРСЕТУ ОРЫНДАРЫ САЛЫНАДЫ
Шиеліде «Батыс Еуропа - Батыс Қытай» халықаралық көлік дәлізінің бойынан жеке кәсіпкер Н.Шакировтың құны 200 млн. теңге болатын сервистік қызмет көрсету орталығының құрылыс жобасы қолдау тауып, кәсіпкерге 5,2 гектар жер телімі сауда-саттық арқылы табысталды. Қазіргі кезде құрылыс жұмыстары басталды. Жоба толық іске қосылғанда 24 адам жұмыспен қамтылатын болады. Бұл туралы Өңірлік коммуникациялар қызметінде өткен баспасөз мәслихатында белгілі болды.
- Сұлутөбе ауылдық округінде жеке кәсіпкер «Жүзкенов» 5 гектар жерге алма бағын егу жұмыстарын жүргізуде. Алдағы уақытта «Батыс Еуропа - Батыс Қытай» халықаралық көлік дәлізі бойынан «В» санаты бойынша сервистік қызмет көрсету орталығының құрылысы жобасы 3 жер кәсіпкерлерге ұсынылатын болады, - дейді аудан әкімі А.Оразбекұлы.
